Ceisteanna Coitianta (CCanna)

Má tá d’ainm mícheart curtha in áirithe agat, beidh ort é seo a nuashonrú nó ní bheidh tú in ann an tástáil a dhéanamh agus caillfidh tú do tháille tástála iomlán.

Is féidir d’ainm a nuashonrú saor in aisce roimh dháta do thástála, ach má bhíonn gá leis an nuashonrú ar lá do thástála, gearrfar táille €15 ort.

Déan athbhreithniú ar d’áirithint agus má tá aon athruithe ag teastáil, déan teagmháil linn ar 0818 606 106.

Tabhair faoi Deara: níl ach tiománaithe a fuair pas sa Tástáil Teoirice Iomlán Chatagóir C (Trucail) nó Chatagóir D (Bus) ar nó i ndiaidh an 30 Meán Fómhair, 2014, incháilithe chun Tástáil Teoirice an Mhodúil Bus nó Trucaile a dhéanamh.

Is féidir na tástálacha seo a dhéanamh le cois na Tástála Teoirice Bus iomláine nó na Tástála Teoirice Trucaile iomláine.

Mar shampla; nuair a dhéanann iarrthóir an Tástáil Teoirice Tiomána Bus agus nuair a fhaigheann sé pas sa Tástáil, tugtar Deimhniú Tástála Teoirice Tiomána dó i ndáil le bus a thiomáint, mar aon leis an gcéad chuid den Deimhniú um Inniúlacht Ghairmiúil (CPC).

Má chinneann an t-iarrthóir, laistigh de dhá bhliain ó phas a fháil sa Tástáil Teoirice Tiomána Bus iomlán, gur mhaith leis a bheith in ann trucail a thiomáint freisin, is féidir leis Tástáil Teoirice an Mhodúil Trucaile a dhéanamh, rud a chiallaíonn nach gá dó an Tástáil Teoirice Tiomána Trucaile iomlán a dhéanamh.

Má chinneann an t-iarrthóir, áfach, gur mhaith leis a bheith in ann trucail a thiomáint dhá bhliain i ndiaidh dó an Tástáil Teoirice Bus a dhéanamh an chéad uair, rachaidh an díolúine seo in éag agus beidh air an Tástáil Teoirice Trucaile iomlán a dhéanamh, mar a dhéantar de ghnáth.

Chun do Thástáil Modúil Bus a chur in áirithe, glaoigh ar ár bhFoireann Seirbhísí d’Iarrthóirí ar 0818 606 106 (ráta Ísealghlao) ó Luan go hAoine ó 8am go 6pm.

Ní mór duit pas a fháil sa Tástáil Teoirice Tiomána má tá do chéad cheadúnas foghlaimeora / ceadúnas sealadach agat i gcatagóir ar leith.

Ní mór duit d'iarratas a chur chuig ceann d'ionaid na Seirbhíse Náisiúnta um Cheadúnais Tiomána (NDLS) agus do dheimhniú Tástála Teoirice Tiomána don chatagóir a bhfuil iarratas á déanamh agat uirthi a chur ar fáil.

Tá seirbhís na Tástála Teoirice Tiomána Oifigiúil á reáchtáil ag Prometric Ireland Ltd. thar ceann an Údaráis um Shábháilteacht ar Bhóithre.

Tá roghanna éagsúla ann chun freastal ar iarrthóirí a bhféadfadh cúnamh speisialta a bheith ag teastáil uathu chun a dtástáil a dhéanamh.

Mar shampla, tá rogha ghuthaithe á tairiscint ina léitear amach na ceisteanna agus na freagraí don iarrthóir agus úsáid á baint as cluasáin; tugtar am breise don iarrthóir chun an tástáil a dhéanamh; tá seirbhís taifeadáin léitheora á tairiscint againn freisin, a chiallaíonn go mbíonn na ceisteanna agus na freagraí á léamh ag ball foirne don iarrthóir agus go mbíonn na freagraí á dtaifeadadh ar an scáileán.

Le haghaidh tuilleadh eolais féach le do thoil Cúnamh/Tacaíocht Lá na Tástála.

Féach ar an leathanach Ábhar Athbhreithnithe Oifigiúil .

Chun iarratas a dhéanamh ar cheadúnas foghlaimeora BE ní mór ceadúnas tiomána iomlán reatha de chatagóir B a bheith agat. Déantar Tástálacha Teoirice do charr (Catagóir B) agus do charr agus leantóir (Catagóir BE) a ghrúpáil le chéile chun críocha Tástála Teoirice.

Mura ndearna tú ach an Tástáil Teoirice a dhéanamh do do cheadúnas foghlaimeora catagóir B ar an 25 Aibreán 2001 nó tar éis, ní gá duit an Tástáil Teoirice a dhéanamh agus tú ag déanamh iarratais ar cheadúnas foghlaimeora do charr agus leantóir (Catagóir BE).

Mar sin féin, má rinne tú iarratas ar do chéad cheadúnas foghlaimeora de chatagóir B sular tugadh isteach an Tástáil Teoirice ar an 25 Aibreán 2001, ní mór duit Tástáil Teoirice a chríochnú anois sula ndéanann tú iarratas ar cheadúnas foghlaimeora de chatagóir BE.

Ar mhaithe le timpeallacht tástála chiúin agus ghairmiúil a chur ar fáil do gach iarrthóir, iarraimid ar gach iarrthóir ar an Tástáil Teoirice Tiomána iad féin a iompar ar bhealach atá measúil agus cuí nuair a bhíonn siad ag freastal ar an Ionad Tástála. Ní ghlacfar le hiompraíocht mhaslach nó fhrithshóisialta sna hIonaid Tástála.

Má tá iompraíocht iarrthóir Tástála Teoirice Tiomána míshásúil, d'fhéadfadh nach dtabharfaí cead don iarrthóir an tástáil a dhéanamh agus d'fhéadfaí go n-iarrfaí ar an iarrthóir an tIonad Tástála a fhágáil. Déanfar teagmháil leis na Gardaí más gá.

Má tharlaíonn eachtra d'iompraíocht mhaslach agus/nó fhrithshóisialta, déanfar athbhreithniú de réir an cháis. De bhun an athbhreithnithe seo, d'fhéadfaí tréimhse neamhthástála a chur i bhfeidhm i gcás iarrthóra. I rith na tréimhse seo, ní cheadaítear don iarrthóir Tástáil Teoirice Tiomána a chur in áirithe nó a dhéanamh. Cuirfear in iúl don iarrthóir i scríbhinn má tá tréimhse neamhthástála le cur i bhfeidhm agus fad na tréimhse seo.

Ar deireadh, is mian linn a mheabhrú duit chomh maith go mbíonn monatóireacht físeáin agus fuaime á déanamh san Ionad Tástála an t-am ar fad.

D'fhéadfaí uastréimhse neamhthástála 3 mhí ón dáta tástála a chur i bhfeidhm i gcás iarrthóirí atá páirteach in iompraíocht fhrithshóisialta.

Tá na sonraí ar fad faoi phróiseas sealbhaithe an cheadúnais CPC Tiománaí le fáil ar shuíomh gréasáin Aonad CPC an RSA.

Má rinne tú agus má d’éirigh leat i do Thástáil Teoirice BW is féidir leat iarratas a dhéanamh ar líne ar do Chead Foghlaimeora ag NDLS.ie.

Is féidir le tiománaithe seirbhísí éigeandála ainmnithe a oibríonn do na heagraíochtaí seo a leanas a chruthaíonn Painéal ESDS (a raibh baint acu le forbairt an chaighdeáin) an Tástáil Teoirice ESDS dhéanamh:

• Cosaint Shibhialta
• Garda Cósta na hÉireann
• Óglaigh na hÉireann
• An Garda Síochána
• Seirbhís Náisiúnta Otharcharranna Fheidhmeannacht na Seirbhíse Sláinte
• An Chomhairle um Chúram Éigeandála Réamh-Ospidéil
• Cumann na bPríomh-Oifigeach Dóiteáin
• An Stiúrthóireacht Náisiúnta Bainistíochta Dóiteáin agus Éigeandála
• Seirbhís Phríosúin na hÉireann

Is é atá mar aidhm leis an tástáil an leibhéal cuí ESDS a scrúdú. Chun ullmhú do do Thástáil Teoirice ESDS, tá liosta léitheoireachta molta ag an RSA, a bhfuil sonraí ina leith le fáil thíos.

• Lámhleabhar Treorach ESDS
• Siollabas ESDS
• Rialacha an Bhóthair
• Treoirlínte RSA um Fholláine Sláinte chun Tiomáint
• Foghlaim Conas Carr a Thiomáint RSA
• Treoir RSA – An Bóthar a Roinnt le Feithiclí Seirbhísí Éigeandála
• Foghlaim Conas Trucail a Thiomáint RSA
• Leabhrán Eolais ESDS
• Creat Inniúlachta ESDS
• Foghlaim conas bus a thiomáint RSA
• Treoir ESDS do Thiománaithe
• Lámhleabhar Oiliúnóirí ESDS
• Treoirlínte um Fhreagairt Oirbheartaíoch ESDS
• Ródaí

Tá na sonraí ar fad le fáil ar roinn ESDS shuíomh gréasáin an RSA.

When You Must Take a Driver Theory Test Again – Categories (BW) & (AM)

From 1st November 2026, you will need to take a Driver Theory Test again if any of the following apply:

1. You have not taken a driving test in the previous 2 years when applying for a third or fourth learner permit.
2. You have already held four learner permits, there will be no fifth permit allowed (unless you were medically restricted).
3. Your learner permit has been expired for 2 years or more.

Summary by Permit Number

• 3rd Permit: you can only renew if you have taken a driving test in the past 2 years — otherwise, you take a Driver Theory Test again.
• 4th Permit: same rule applies, you must have taken a test in the last 2 years; this permit will only last 1 year.
• After 4 Permits (around 7 years total): you cannot renew and must take a Driver Theory Test Again.

For more information please visit the RSA and NDLS websites at the following links:

• Multiple Learner Permits – RSA
• Frequently Asked Questions – National Driver Licence Service (NDLS)