Tástáil Teoirice Tiomána Oifigiúil an RSA
An Nuacht is Déanaí
Gearrthóga Físeáin de Theanga Chomharthaíochta na hÉireann ar fáil anois in Aip Foghlama DTT agus i Síntiús Ar Líne
Chun feabhas breise a chur ar ardáin foghlama na Tástála Teoirice Tiomána, tá gearrthóga físe de Theanga Chomharthaíochta na hÉireann curtha againn lenár Aip Foghlama DTT agus lenár síntiús ar líne anois.
Bí cúramach le haipeanna foghlama bréige – déan cinnte go bhfuil tú ag foghlaim ón t-aon Aip Oifigiúil Tástála Teoirice!
Ní féidir an t-ábhar oifigiúil athbhreithnithe ar an tástáil teoirice tiomána a cheannach ach tríd an siopa ar líne atá againn. Tabhair faoi deara, le do thoil, má dhéanann tú athbhreithniú ag baint úsáide as ábhar athbhreithnithe neamhoifigiúil, go bhfuil an baol ann nach n-éireoidh leat sa scrúdú mar nach ionann na ceisteanna agus na freagraí.
Tarracóirí agus an Tástáil Teoirice Tiomána – Freagraí ar do Cheisteanna
Foghlaim cén catagóir den Tástáil Teoirice Tiomána is infheidhme agus cad iad na topaicí a chaithfidh tú a bheith ar an eolas fúthu. Aimsigh na hábhair athbhreithnithe oifigiúla a chabhróidh leat ullmhú.
Tástáil Teoirice Tiomána Nuashonraithe do 2024
Tá athbhreithniú déanta ar an Tástáil Teoirice Tiomána agus cuireadh an leagan nuashonraithe i bhfeidhm an 1 Iúil 2024. Tá na hathruithe déanta chun feabhas a chur ar do thaithí le híomhánna nua agus feabhsaithe, ceisteanna nuashonraithe agus níos ábhartha maidir le sábháilteacht bóithre agus reachtaíocht. Déan cinnte go bhfuil tú ag foghlaim ón Ábhar Athbhreithnithe oifigiúil is déanaí.
Teastas Pas ag Ionaid NDLS – Ní Gá Cóipeanna Fisiciúla a Thuilleadh
Ní gá cóipeanna fisiciúla den deimhniú Pas a bheith ag ionaid NDLS a thuilleadh le haghaidh iarratais NDLS ar cheadúnas foghlaimeora. Má chaill tú do thuairisc Scóir, beidh rochtain ag gníomhairí NDLS ar leagan ar líne den toradh.
Ionad Tástála Loch Garman athoscailte
Tá an tIonad Tástála Teoirice Tiomána i Loch Garman tar éis oscailt arís i suíomh buan nua. Is é an seoladh nua ná Prometric Unit 2, Pierce Court, Paul Quay, Loch Garman Y35 K125
Ainm agus Sonraí UPSP
Chun moilleanna tástála a sheachaint, cinntigh le do thoil go bhfuil d'ainm agus UPSP cláraithe i gceart.
Glactar le Cártaí Revolut Anois
Nuacht Iontach! Glacaimid anois le cártaí Revoult mar mhodh íocaíochta do gach Catagóir de Thástáil Teoirice Tiomána.
Cumas tástála breise curtha leis ar fud na hÉireann
Le déanaí, chuir an tseirbhís Tástála Teoirice Tiomána níos mó coinní leis ar fud na hÉireann, i gcomhréir le creat rialtais Maireachtáil le COVID19.